پاکستان مسلم لیگ ن کی نائب صدر مریم نواز کی ایک ویڈیو سوشل میڈیا پر مقبول ہو رہی ہے جس میں انہیں پاکستان کے ملی نغمہ' یہ وطن تمہارا ہے' گنگناتے ہوئے دیکھا گیا جس دوران اُن کے آنسو جاری ہوگئے۔
گذشتہ روز نواز شریف کی صاحبزادی مریم نواز نے اپنی انسٹاگرام ٹیم سے ملاقات کی جہاں انہوں نے انسٹا صارفین کی طرف سے کئیے جانے والے سوالوں کے جواب دئیے۔
مریم نواز کی جانب سے انسٹاگرام کی ٹیم سے ملاقات کے انہوں نے اپنے والد نواز شریف کو بھی ویڈیو کال پر آن لائن لیا جنہیں ان کے چاہنے والوں نے دیکھا اور انہیں پاکستان واپس لوٹ آنے کا کہا۔
ویڈیو میں دیکھا جاسکتا ہے کہ مریم نواز کے ہمراہ مسلیم لیگ ن کی رہنما عظمیٰ بخاری، پرویز رشید اور دیگر کارکنان شامل ہوتے ہیں۔
مریم نواز کی اس وائرل ہونے والی ویڈیو پر ان کے مداح بہت پسند کر رہے ہیں۔ آخر میں مریم نواز نے اپنی سوشل میڈیا ٹیم کے ساتھ گروپ سیلفی بھی کھنچوائی۔