سندھ حکومت نے 2007 میں بینظیر بھٹو کی برسی کے موقع پر 27 دسمبر کو صوبے بھر میں عام تعطیل کا اعلان کردیا ہے جبکہ 26 دسمبر کو مسیحی برادری کے لئے بھی عام تعطیل کا نوٹیفکیشن جاری کردیا ہے۔
واضح رہے 27 دسمبر 2007 میں پیپلز پارٹی کی سابق چیئر مین محترمہ بینظیر بھٹو کو راولپنڈی میں دہشت گردوں نے شہید کیا تھا جس کی مناسبت سے سندھ حکومت ہر سال اس تاریخ کو صوبے بھر میں عام تعطیل کا اعلان کرتی ہے۔
محترمہ کی برسی ہر سال نوڈیرو کے گاؤں خدا بخش سمیت سندھ کے مختلف حصوں میں منائی جاتی ہے البتہ گڑھی خدا بخش میں منائی جانے والی برسی میں ان کے شوہر آصف علی زرداری اور بچے بھی شریک ہوتے ہیں۔