انگلینڈ کے بعد اب نیوزی لینڈ کی ٹیم کراچی پہنچ چکی ہے اور ایک بار پھر سنسنی خیز مقابلوں سے عوام کو اچھی تفریح فراہم ہوگی۔
نیوزی لینڈ کرکٹ ٹیم آکلینڈ سے دبئی پہنچی اور وہاں سے پھر کراچی کی طرف سفر کیا۔ طویل سفر کے بعد جب یہ ٹیم کراچی ائیر پورٹ پر پہنچی تو انہیں باحفاطت ہوٹل تک پہنچانے کیلئے سندھ پولیس کےایس ایس یو کمانڈو اور پولیس کے تازہ دم دستے موجود تھے۔
ان کی یہ وائرل تصاویر دیکھ کر اندازہ ہوتا ہے کہ یہ یہاں اچھا محسوس کر رہے ہیں۔ اس دورے کے دوران نیوزی لینڈ 3 ون ڈے، اور 2 ٹیسٹ میچز کھیلے گی۔ پہلا ٹیسٹ 26 دسمبر کو کراچی میں جبکہ دوسرا ٹیسٹ میچ ملتان میں 3 جنوری کو کھیلا جائے گا۔
واضح رہے کہ ائیر پورٹ سے لے کر ہوٹل تک مہمان ٹیم کی حفاظت کو مد نظر رکھتے ہوئے خصوصی انتظامات کیے گئے۔ یہ مہمان ٹیم آج صبح 10:28 بجے کراچی انٹرنیشنل ائیر پورٹ پہنچی۔