پاکستان کرکٹ ٹیم کے فاسٹ باؤلر حارث رؤف اپنی کلاس فیلو مزنا مسعود کے ساتھ رشتہ ازواج میں منسلک ہوگئے جن کی شادی کی تصاویر اور ویڈیوز نے سوشل میڈیا پر دھوم مچا کر رکھ دی تھی۔
حارث اور مزنا کی شادی سے خوبصورت جھلیکاں سوشل میڈیا پر وائرل ہو رہی ہیں انہی میں دونوں فریق کے نکاح کی ویڈیو بھی زیر گردش ہے جب انہیں اپنی زوجہ کو حق مہر دیتے ہوئے سنا گیا۔
جیو نیوز کے مطابق قومی کرکٹرحارث رؤف کی اہلیہ مزنا مسعود کے حق مہر میں 50 تولے سونا لکھا گیا ہے۔
سوشل میڈیا ویب سائٹ انسٹاگرام پر نعمان عاطف فوٹوگرافی اسٹوڈیو کی جانب سے حارث رؤف اور مزنا مسعود کے نکاح کے وقت کی ایک ویڈیو شیئر کی گئی جس میں قاضی صاحب کو کرکٹر حارث رؤف سے رضامندی کے وقت 50 تولے سونے کی حق مہر کا ذکر کرتے سنا گیا۔
حارث رؤف اور مزنا کو ان کی شادی کے روز بہت خوشگوار موڈ میں دیکھا گیا۔ ان کی شادی میں شاہد آفریدی اور ان کے ہونے والے داماد شاہین شاہ آفریدی نے بھی شرکت کی تھی۔