بچے کی تمام تکلیفیں والد خود برداشت کرتا ہے کیونکہ باپ بے شک امیر ہو یا غریب اس کے ہوتے ہوئے ہر اولادے بے غم ہو کر زندگی گزارتی ہے۔ بالکل ایسی ہی ایک ویڈیو آج ہم آپکو دیکھانے جا رہے ہیں جس میں ایک بیٹا بچوں کی طرح اپنے والد کو کھانا کھلانے کی کوشش کر رہا ہے۔
یہ جذباتی ویڈیو اس وقت سوشل میدیا پر وائرل ہو رہی ہے جس میں بیٹا کہتا ہے کہ جی دنیا میں سب کا ایک ہیرو یا پھر آئیڈیل شخص ہوتا ہے لیکن میرے لیے سب کچھ میرا والد ہے کیونکہ زندگی بھر محنت مزدوری سے میرے والد نے ہمیں حلال رزق کھلایا ہے۔ اس پر ہم سب بہن بھائی اللہ پاک کا بہت بہت شکرگزار ہیں۔
یہی وجہ ہے کہ آج اس حلال رزق کا بدلہ ہم چکائیں گے اور اپنے بیمار والد کی نوکروں کی طرح خدمت کریں گے اور اب میں انہیں کھانا کھلا رہا ہوں پر یہ کھا نہیں رہے لیکن میں انہیں یہ اپنے ہاتھوں سے ضرور کھلاؤں گا۔
اس کے علاوہ بھی اس نوجوان کی اپنے ہیرو والد کے ہمراہ ایک ویڈیو خوب وائرل ہوئی تھی جس میں یہ اپنے فالج کے مرض میں مبتلا والد کے ساتھ کچھ وقت گزار رہا تھا۔
اس ویڈیو میں نوجوان والد کا سر اپنے ہاتھوں میں تھام کر کہتا ہے کہ" ابو جی آپ میرے سے ناراض ہیں نہ، آپکو پتا ہے میں لڑ جاتا ہوں اور بعد میں پوچھتا ہوں کہ مسئلہ کیا ہوا ہے اور میں سلطان محمود کا لڑکا ہوں، ڈرتا نہیں کسی سے، چلو اب آپ مجھ سے صلح کر لو اور مجھ کو بوسہ دو"۔
بیٹے کے پیار بھرے الفاظ سننے کے بعد والد بیٹے کو بوسہ دیتا ہے تو وہ والد کو گلے لگاتے ہوئے یہ کہتا ہے کہ یہ میر ے ابو ہیں میں ان سے پیار ہی کروں گا چاہے پھر یہ مجھے ڈانٹیں یا پھر کچھ بھی کہیں۔