آخری وقت میں اہلیہ نے میرا ہاتھ پکڑا اور انتقال کرگئی ۔۔ غربت میں مرحوم اداکار ماجد جہانگیر کیسے اکیلے موت سے جنگ لڑتے رہے؟ ویڈیو

میں بھی کاروبار کرتا اور اپنا پیسہ بچاتا تو یوں لوگوں کے آگے ہاتھ نہ پھیلانے پڑتے اور رہی بات لوگوں کو ہنسانے کی تو یہ میری بے وقوفی تھی۔ یہ الفاظ تھے ایک پاکستان کے مشہور اداکار ماجد جہانگیر کے ہیں۔

ماجد پی ٹی وی کے ڈرامے ففٹی ففٹی سے شہرت کی بلندیوں پر پہنچے پر آج سڑکوں پر لوگوں سے مدد مانگتے پھرتے ہیں۔

ماجد جہانگیر پر اس وقت برا وقت آیا جب انہیں اچانک فالج کا اٹیک ہوا جس سے ان کے جسم کی سیدھی سائیڈ مکمل طور پر مفلوج ہو گی۔ اس کے بعد وہ درد بدر کی ٹھوکریں کھانے لگے، علاج کیلئے بھی پیسے نہیں تھے۔ ان حالات میں وہ کراچی سے لاہور آ گئے جہاں وہ اپنی کار پر امداد کا پوسٹر لگائے سڑک پر کھڑے نظر آئے۔

اس کے بعد بہت سے ٹی وی شوز میں انہیں بلایا جانے گیا پر ان کے حالات نہ بدلے۔ دوست احباب بھی منہ موڑ گئے کہ جیسے انہیں جانتے ہی نہ ہوں۔ ان علاج اور رہنے کیلئے ملک ریاض نے بیڑا ٹھایا۔ ملک ریاض کے اس اچھے کام سے ان کی طبعیت اچھی ہو گئی فالج والی سائیڈ نے بھی معمولی حرکت کرنا شروع کر دی۔

یوں انہیں جو رقم دی گئی وہ بھی انہوں نے دواؤں ،علاج میں لگا دی۔ پھر یوں ہوا کہ زندگی کے اچھے برے قت میں ساتھ دینے والی بیوی بھی انتقال کر گئی یہی نہیں ان کی کوئی اولاد بھی نہ تھی۔ آج کل یہ طبعیت ناساز ہونے پر اسپتال میں داخل ہیں۔

جہاں پر ایک ویب چینل کو انٹرویو دیتے ہوئے انہوں نے دعویٰ کیا ہے کہ ایک معروف چینل پر میری بیماری کو دیکھا کر 10 لاکھ روپے امداد حاصل کی پر مجھے نہ دی۔ ان جیسے تمام لوگوں کو میں روز محشر پکڑوں گا۔