پنجاب میں تدفین کے اگلے روز مردہ زندہ گھر واپس آنے پر گھر والوں کی حیرت کے مارے آنکھیں کھلی کی کھلی رہ گئیں، انوکھے واقعہ نے پورے علاقے میں کھلبلی مچادی۔
پولیس کے مطابق یہ انوکھا واقعہ چیچہ وطنی میں پیش جہاں مردہ تدفین کے اگلے روز زندہ اپنے گھر واپس آیا، پولیس کی تحقیقات کے مطابق محمد اسلم نامی شخص اکثر گھر سے غائب رہتا تھا اور کچھ دن پہلے محمد اسلم گھر سے کہیں چلا گیا تھا۔
تلاش کے بعد اہل خانہ کو ایک لاش کی اطلاع ملی جس کی شکل اسلم سے ملتی تھی، اہل خانہ نے اس کو اسلم سمجھ کر دفنادیا لیکن اگلے روز یہ حقیقت سامنے آئی کہ اسلم زندہ تھا اور گھر والوں نے کسی اور کو اسلم سمجھ کر دفنادیا تھا۔اگلے روز اسلم گھر واپس آیا تو اہل خانہ کی خوف سے چیخیں نکل گئیں ، گھر والوں کا شورسن کر پورا محلہ جمع ہوگیا۔
تدفین کے اگلے روز اسلم کے گھر والے آنے پر راستے میں دیکھنے والے لوگوں کو بھی شدید حیرت ہوئی اور اسلم کی واپسی کی بات علاقے میں جنگل کی آگ کی طرح پھیل گئی جس پر لوگوں میں شدید خوف و ہراس پھیل گیا۔
عجیب و غریب صورتحال کے باعث بڑی تعداد میں لوگ اسلم کے گھر کے قریب جمع ہوگئے اور حقیقت سامنے آنے پر لوگوں نے اسلم کے اہل خانہ کو مبارکباد دی اور خوشی کا اظہار کیا۔