وزیر خزانہ اسحاق ڈار نے معیشت پر پاکستان تحریک انصاف کے چیئرمین عمران خان کو لائیو مناظرے کا چیلنج کر دیا۔
پریس کانفرنس سے خطاب کرتے ہوئے انہوں نے کہا کہ عمران خان اپنے معاشی ماہرین لے آئیں، اعدادوشمار پر براہ راست بات کر لیتے ہیں۔
انہوں نے کہا کہ اس تباہی کو ٹھیک کرنے میں وقت لگے گا،اتحادی حکومت میں شامل جماعتیں اپنی سیاست کی قربانی دے رہی ہیں۔
ان کا کہنا تھا کہ ہمارے دور میں اسٹاک مارکیٹ کو دنیا کی پانچویں بہترین اسٹاک مارکیٹ ڈکلیئر کیا گیا اور پاکستان ترقی کی منازل طے کر رہا تھا۔
اسحاق ڈار نے کہا کہ ن لیگ نے حکومت سنبھالی تو گردشی قرضہ 503 ارب تھا جو 1148 ارب پر چھوڑا،عمران حکومت نے 4سال میں گردشی قرضہ 2067 ارب پر چھوڑا، عمران خان نے کہا یوریا کی قیمتیں بڑھ گئی ہیں حالانکہ قیمت وہی ہے ، عمران خان نے کہا انہوں نے 55 لاکھ نوکریاں دیں، اس کا کوئی ثبوت پیش کریں۔