جس گھر میں بیٹی کے پیدا ہونے سے رونق پیدا ہو جاتی ہے اسی کو رخصت کرتے وقت والد کی آنکھوں میں آنسو آ جاتے ہیں اور بیٹی کے ہاتھ بھی نکاح نامے پر دستخط کرتے وقت اکثر کانپ جاتے ہیں۔ بالکل اسی طرح طرح شاہد آفریدی کی چھوٹی بیٹی کے شادی کی تقریبات شروع ہونے والی ہیں۔
جن کیلئے دولہا شاہین شاہ آفریدی کراچی پہنچ گئے ہیں۔ ان دونوں کی شادی کی پر مسرت تقریب 3 فروری کو ہو گی۔ نجی ٹی وی کی رپورٹ کے مطابق خاندانی زرائع کا کہنا ہے کہ دلہن انشاء کے امتحانات کی وجہ سے رخصتی بعد میں کی جائے گی۔
جبکہ شادی کے مقام سے متعلق بھی تفصیلات سامنے آئیں ہیں،ان کے مطابق ڈی ایچ اے گالف کلب میں شادی کی تقریب رکھی گئی ہے۔
مزید یہ کہ ان کے نکاح کی اس تقریب میں ساتھی کھلاڑیوں کی شرکت کے امکان ہیں۔ یاد رہے کہ قومی فاسٹ باؤلر شاہین شاہ آفریدی اور انشاء آفریدی کی منگنی گزشتہ سال مارچ میں ہوئی تھی۔
یہی نہیں اب سابق کپتان اور جارہانہ مجاز بلے باز شاہد خان آفریدی کی بڑی بیٹی کی شادی کی ویڈیوز بھی خوب وائرل ہوئیں۔ اقصیٰ آفریدی کے ہونے والے شوہر کا نام نصیر ناصر بتایا جاتا ہے۔
واضح رہے کہ ان دونوں کی شادی کا کارڈ ایک ایونٹ پلینر نے شیئر کیا جس میں ایک جوڑے کو عروسی لباس میں دولہا دلہن بنا دیکھایا گیا ہے جبکہ دکھنے میں بھی یہ کارڈ انتہائی دلکش اور خوبصورت تھا۔