چیئرمین پی ٹی آئی عمران خان نے حکومت کی جانب سے بلائی گئی کل جماعتی کانفرنس میں شرکت نہ کرنے کا فیصلہ کیا ہے۔
تحریک انصاف کے رہنما اسد عمر نے لاہور میں میڈیا سے گفتگو میں بتایا ہے کہ پی ٹی آئی نے حکومت کی جانب سے بلائی گئی اے پی سی میں شرکت نہ کرنے کا فیصلہ کیا ہے۔
انہوں نے کہا ہے کہ اے پی سی میں مدعو کر کے حکومت اب ڈھونگ رچا رہی ہے۔حکومت یہ تاثر دینا چاہ رہی ہے کہ مل کر فیصلہ کرنا چاہیے۔
ان کا کہنا ہے کہ حکومتی وسائل کا رخ پکڑ دھکڑکی طرف ہے، غداری کے مقدمے درج کر کے آئین کی دھجیاں اڑائی جارہی ہیں، ہمارے خلاف مقدمے درج کیے جارہے ہیں تو ان کے ساتھ کیسے بیٹھ سکتے ہیں۔