آرمی چیف جنرل سید عاصم منیر نے کہا ہے کہ بحیثیت قوم دہشتگردی کوجڑسے اکھاڑ پھینکیں گے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے آج پشاور پولیس لائنزکا دورہ کیا ہے۔
آئی ایس پی آر کے مطابق آرمی چیف جنرل سید عاصم منیر نے پولیس افسران اور لوگوں سے ملاقات کی اور دہشتگردی کے خلاف جنگ میں خیبر پختونخوا پولیس کی بہادری کو سراہا۔
آرمی چیف نے مادر وطن کے دفاع کیلئے جانوں کا نذرانہ پیش کرنے والے شہدا کو خراج عقیدت پیش کیا۔