ہماری یہ زندگی تب ہی رنگین اور خوشبو دار لگتی ہے جب گھر میں والد جیسی ہستی زندہ ہوتی ہے کیونکہ بیٹا ہو یا بیٹی جب تک باپ کا سایہ ان کے سر پر ہوتا ہے وہ چہکتے رہتے ہیں۔ یہی وجہ ہے کہ اب ہم ایک ایسا واقعہ آپ کے سامنے لے کر آئے ہیں جو ہر بیٹے، باپ کا رشتہ پہلے سے بھی کہیں زیادہ مضبوط کر دے گا۔
یہ واقعہ اس وقت دنیا بھر میں خوب وائرل ہو رہا ہے کیونکہ اس ویڈیو میں ہم صاف دیکھ سکتے ہیں کہ ایک معصوم بچہ اسپتال کے انتہائی نگہداشت وارڈ میں موجود ہے اور اس کے سامنے ایک شخص بستر پر موجود ہے اور وہ کوئی اور نہیں بلکہ اس کا باپ ہے۔ والد کو یوں شدیدبیمار دیکھ کر وہ چھوٹا بچہ کر تو کچھ نہیں پایا۔
پر وہ بار بار والد کا ہاتھ چومتا رہا ہے مزید یہ کہ ساتھ ہی ساتھ اللہ پاک سے یہ دعا بھی کرتا رہا کہ اے تمام جہانوں کے مالک تو جلد از جلد میرے والد کو صحتیاب کر، مجھے معلوم ہے کہ تو اس وقت مجھے سن رہا ہے، اللہ پاک میری مراد پوری کر۔
اس کے علاوہ ہم یہ بھی دیکھ سکتے ہیں کہ بچے کی دادی بھی پیار و شفقت سے اپنے بیمار بیٹے کے سر پر ہاتھ پھیر رہی ہے۔