ہر مہینے کی 15 تاریخ آتے ہی دل زوروں سے دھڑک اٹھتا ہے کہ جانے اس بار پیٹرول کی قیمت کتنی بڑھ جائے۔ سچ تو یہ ہے کہ پچھلے کچھ مہینوں میں پیٹرول کی قیمتوں میں بے پناہ اضافہ دیکھنے میں آیا ہے۔ اب پیٹرول استعمال بند کرنا تو ممکن نہیں اس لئے آج ہم چند ایسے طریقے بتائیں گے جن سے اس کے اضافی اخراجات سے بچا جاسکتا ہے۔
زیادہ سامان نہ رکھیں
گاڑی میں زیادہ سامان رکھنے سے پیٹرول زیادہ خرچ ہوتا ہے اس لئے کوشش کریں کہ بھاری سامان نہ رکھا جائے۔
کوشش کریں بریک نہ لگایا جائے
تیز رفتار ویسے بھی خطرناک ہوتی ہے اس لئے کوشش کریں کہ رفتار درمیانی رکھیں۔ خاص طور پر بار بار بریک لگانے سے گریز کریں اور گاڑی کی رفتار کم کردیں۔ اس سے بھی پیٹرول کی بچت ہوسکتی ہے
لوئر گئیر کا استعمال کم رکھیں
گاڑی کو کوشش کریں کہ آخری گئیر پر رکھ کر چلائیں کیوں کہ لوئر گئیر میں رکھنے سے پیٹرول زیادہ لگتا ہے۔
ڈھکن بند رکھیں
جنگ نیوز کے مطابق جن گاڑیوں کے ڈھکن صحیح بند نہیں ہوتے ان کا پیٹرول ہوا میں اڑ کر ضائع ہوجاتا ہے اس لئے اپنی گاڑی میں پیٹرول کے ڈھکن پر دھیان رکھیں۔
کہیں جانے سے پہلے مکمل پلاننگ کریں
کہیں جانے سے پہلے مکمل تیار ہو کر گاڑی میں بیٹھیں اور اس بات کا بھی خیال رکھیں کہ گھر والے یا ساتھ چلنے والے تمام افراد تیار ہوں۔ اس کے علاوہ یہ گوگل میپ پر یہ بھی دیکھا جاسکتا ہے کہ جس روٹ پر نکلنا ہے وہاں زیادہ رش نہ ہو تاکہ کم وقت اور پیڑول صرف ہو۔