پاکستان کے وفاقی وزیر برائے توانائی خرم دستگیر خان ’پاکستان ایران پاور پراجیکٹ‘ پر بات جیت کے لیے تہران پہنچ گئے ہیں۔
عرب نیوز کے مطابق پاکستان کے وزارت توانائی کے مطابق اس منصوبے کے تحت ایران پاکستان کو 100 میگا واٹ بجلی فراہم کرے گا۔ تہران میں خرم دستگیر نے اپنے ایرانی ہم منصب علی اکبر محرابیان سے ملاقات کی اورباہمی دلچسپی کے امور پر تبادلہ خیال کیا۔وزارت توانائی سے جاری پریس ریلیز کے مطابق اتوار کووفاقی وزیر توانائی خرم دستگیر نے تہران میں اپنے ایرانی ہم منصب علی اکبر محرابیان سے ملاقات کی۔ایرانی وزیر نے ایران سے گوادر تک تیز رفتاری سے بجلی درآمد کرنے کے لیے ٹرانسمیشن لائن کی تعمیر پر پاکستان کے حکام کو سراہا۔انہوں نے پاکستان کے ساتھ مزید بجلی کے منصوبے شروع کرنے میں بھی دلچسپی ظاہر کی۔ اس موقع پر خرم دستگیر نے توانائی کے شعبے میں تعاون بڑھانے پر اپنے ہم منصب کا شکریہ ادا کیا۔وزارت توانائی کے بیان کے مطابق منصوبے کے لیے ٹرنسمیشن لائن بچھانے کا کام تیزی کے جاری ہے جو کہ ریکارڈ مدت میں مکمل کیا جائے گا۔زرمبادلہ کے ذخائر کی کمی کا سامنا کرنے والے پاکستان کو اپنے تیل اور گیس کے پلانٹ کو چلانے کے لیے توانائی درآمد کرنے میں مشکلات کا سامنا ہے۔پاکستان آج کل سستا توانائی درآمد کرنے کے لیے مختلف آپش پر غور کر رہا ہے تاکہ توانائی پیدا کرنے پر آنے والے لاگت کو کم کیا جاسکے۔