روزہ ایک خاص عبادت ہے جس میں ایک خاص وقفے کے لیے اللہ کی رضا کی خاطر مسلمانوں کو کئی چیزوں سے پرہیز کرنا پڑتا ہے۔ سحر سے افطار تک کچھ نہ کھانا پینا، جھوٹ نہ بولنا اور دیگر غیبتوں اور برائیوں سے خود کو روکنا روزے کی عبادت میں شامل ہیں۔ یہ ہر مسلمان پر فرض کیے گئے ہیں لیکن وہ لوگ جو بیمار ہیں یا ان کی کوئی مجبوری ہے ان کے لیے اللہ کی طرف سے چھوٹ ہوتی ہے۔
بھارتی مسلم اداکارائیں ویسے تو اپنی عبادات کرتی ہیں لیکن اس سال 3 مشہور اداکارائیں روزے نہیں رکھ رہیں ہیں جن میں اداکارہ ثناء خان، گوہر خان اور دپیکا ککڑ ہیں۔
ثناء خان:
اداکارہ ثناء خان شادی کے 3 سال بعد اُمید سے ہیں جس کا اعلان انہوں نے خود ٹاک شو میں کیا تھا۔ اداکارہ اسی مجبوری کی بناء پر روزے نہیں رکھ رہیں، البتہ اس سے قبل انہوں نے ہر رمضان روزے رکھے ہیں۔
گوہر خان:
گوہر خان بھی اس مرتبہ روزے نہیں رکھ رہیں جس کا اعلان وہ خود رمضان سے کچھ ماہ قبل کرچکی ہیں کیونکہ وہ بہت جلد ایک ننھے مہمان کو جنم دینے والی ہیں۔
دیپیکا ککڑ:
دپیکا ککڑ جنہوں نے شادی کے وقت اسلام قبول کیا اوراپنا نام فائزہ رکھا تھا اس سال یہ بھی رمضان کے روزے حمل کی وجہ سے نہیں رکھ رہیں۔ ان کے ہاں کسی بھی وقت خوشخبری آسکتی ہے۔