یہاں مسلمانوں کا شہر ہے جو لگتا ہی نہیں کہ چین ہے ۔۔ چین کے رمضان بازار میں کیا خاص ہوتا ہے؟ پاکستانی کی ویڈیو دیکھئے

جس طرح مسلم ممالک میں رمضان کی تیاریاں کی جاتی ہیں ویسے ہی غیر مسلم ممالک میں بھی ماہ صیام کے احترام میں اس کا استقبال کیا جاتا ہے۔

ہماری ویب ڈاٹ کام کے اس آرٹیکل میں آپ کو پاکستان کے پڑوسی ملک چین میں رمضان کا مہینہ منانے کے حوالے سے بتانے جا رہے ہیں کہ وہاں رمضان آنے سے کیا کچھ ہوتا ہے۔

پاکستانی ویلاگر ظفر خان چین گئے جہاں انہوں نے تفصیل سے رمضان بازار کا معائنہ کرایا۔ ظفر چین کے شہر شیان میں موجود تھے جسے مسلمانوں کا گھر بھی کہا جاتا ہے۔

ظفر خان اپنے ویلاگ میں چین کے رمضان بازار میں اشیاء کی قیمتوں کے بارے میں بتاتے ہیں۔ شیان شہر میں حلال کھانا باآسانی مل جاتا ہے۔ وہاں کے لوگ بھی ایک دوسرے سے گھلنے ملنے والے ہیں۔

ظفر خان نے بتایا کہ جب انہوں نے سحری کے لیے وہاں گوشت کی دکان سے گوشت خریدا تو انہوں نے ڈسکاؤنٹ بھی کیا۔ شیان کے رمضان بازار میں آدھا کلو دہی بڑے کی قیمت 15 یوان (پاکستانی 628 روپے) ہے۔

ویلاگر کا کہنا تھا کہ چین میں کوئی بھی چیز ہو وہ آدھا کلو کے حساب سے فروخت ہوتی ہے۔

شیان میں کھجور کا ایک پیکٹ 10 یوان (پاکستانی 418 روپے) کا مل رہا ہے۔ ویلاگر کے مطابق گذشتہ ماہ رمضان میں بھی کھجور اسی قیمت پر فروخت ہو رہی تھی۔