ایک نوجوان کی زندگی میں اُس کی ماں کافی اہمیت رکھتی ہے، کیونکہ جب کوئی نہیں ہوتا ہے تو آخر میں والدہ ہی سہارا ہوتی ہے۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
گزشتہ فیفا ورلڈ کپ میں اپنی والدہ کے ہمراہ گراؤنڈ میں جشن منانے والے مراکش کے فٹبالر نے سب کی توجہ حاصل کر لی تھی۔
کیونکہ فٹبالر اشرف حاکمی نے بجائے کسی لڑکی، دوست یا تنہا انجوائے کرنے کے، میچ کی فتح کو اپنی والدہ کے ہمراہ انجوائے کیا تھا، اس خوبصورت لمحے کو انکی والدہ نے مزید خوشگوار بنا دیا تھا۔
لیکن ایک بار پھر عالمی شہرت یافتہ فٹبالر نے سب کی توجہ یوں سمیٹی کہ ان کی اہلیہ نے ان سے طلاق کے لیے عدالت کا دروازہ کھٹکھٹایا، اور ساتھ ہی اہلیہ حبا نے فٹبالر سے اپنے لیے جائیداد کا بھی مطالبہ کیا۔
لیکن اُس وقت سب حیران رہ گئے جب عدالت میں یہ بات سامنے آئی کہ حبا کے شوہر یعنی فٹبالر اشرف کے پاس تو دولت ہے ہی نہیں، ان کی تمام دولت ان کی والدہ کے نام پر ہے۔
یعنی بیٹے نے اپنی تمام دولت اپنی والدہ کو دے دی تھی، یعنی بیٹا جو کچھ بھی خرچ کرتا، خریداری کرتا سب والدہ کے اکاؤنٹ سے پیسے نکلواتا۔
بہو بھی حیران رہ گئی کہ شوہر نے جو مہنگی گاڑی، جیولری، گھر، کپڑے دلائے سب امی کے نام کی گئی دولت میں سے دلائے۔
واضح رہے مراکش سے تعلق رکھنے والا 24 سالہ اشرف حکیمی اپنی والدہ سے بے حد محبت کرتے ہیں، اپنی ماں کے لیے ہر حد پار کر جانے والے فٹبالر نے دنیا بھر کی توجہ حاصل کر لی ہے، جبکہ صارفین بیٹے اور ماں کی اس محبت کو بھی خوب پسند کر رہے ہیں۔