ہم صبح عید میں اٹھ کر سب سے پہلے نئے کپڑے پہنتے ہیں پھر نماز پڑھنے جاتے ہیں اور واپسی میں سب سے گلے ملتے ہیں۔ ہم 3 بار گلے ملتے ہیں پھر ہاتھ ملا کر عید مبارک کہتے ہیں۔

یہ کہنا ہے فاسٹ باؤلر نسیم شاہ کا جنہوں نے اس عید پر نیوزی لینڈ کے کھلاڑیوں کو عیدالفطر پر اپنی مذہبی ثقافت سے روشناس کرایا۔ پی سی بی کی جانب سے نسیم شاہ کی بنائی ویڈیو شئیر کی گئی ہے جسے دیکھنے والے کافی پسند کررہے ہیں۔

شیر خرمہ اپنے ہاتھوں سے کھلایا

ویڈیو میں دیکھا جاسکتا ہے کہ نسیم شاہ نیوزی لینڈ کے کھلاڑیوں کے لئے شیر خرمہ بھی لے گئے اور انھیں اپنے ہاتھوں سے کھلایا بھی۔ جس پر کھلاڑیوں نے اس ڈش کی کافی تعریف کی۔ نسیم شاہ نے یہ بھی بتایا کہ عید مبارک کہنے کے علاوہ ہمارے ہاں عیدی بھی دی جاتی ہے لیکن میرے پاس پیسے نہیں ہیں جس پر سب ہنس پڑے۔