صدر شی جن پنگ نے کہا ہے کہ یوکرین بحران کے حل کے لیے چین اپنے خصوصی نمائندے کیئف بھیجے گا۔
خبر رساں ادارے روئٹرز نے چینی میڈیا کے حوالے سے کہا ہے کہ بدھ کو صدر شی جن پنگ اور یوکرین کے صدر ولادیمیر زیلنسکی کے درمیان ٹیلی فونک گفتگو ہوئی ہے۔ چینی صدر نے کہا ہے کہ ان کے نمائندہ خصوصی بحران کے حل کے لیے تمام فریقوں سے بات چیت کریں گے۔صدر شی جن پنگ نے یوکرین کے صدر کو بتایا کہ ’چین امن مذاکرات کو فروغ دے گا اور جلد از جلد جنگ بندی کے لیے کوششیں کرے گا۔‘اپریل کے آغاز میں صدر شی نے کہا تھا کہ وہ صدر ولادیمیر زیلنسکی کے ساتھ بات چیت کے لیے تیار ہیں۔صدر ولادیمیر زیلنسکی نے کئی مرتبہ چین کے صدر سے ملاقات کے لیے کہا تھا۔ صدر زیلنسکی نے صدر شی کے دورہ ماسکو کے بعد بھی ان سے ملاقات کا کہا تھا۔روس کا یوکرین پر حملے کے بعد صدر شی جن پنگ اور صدر ولادیمیر زیلنسکی کے درمیان یہ پہلا رابطہ ہے۔یوکرین کے صدر نے اس طویل ٹیلی فونک گفتگو کو مثبت قرارداد کیا ہے۔