نیوزی لینڈ کیخلاف میچ سے قبل نیٹ پر یکٹس کے دوران فاسٹ بالر شاہین آفریدی اور نسیم شاہ کی گیندوں پر بابر اعظم کے دو بار بولڈ ہونے کی ویڈیو سوشل میڈیا پر وائرل ہوگئی۔
پاکستان اور نیوزی لینڈ کے درمیان ٹی ٹوئنٹی سیریز کے بعد آج پہلا ایک روزہ میچ کھیلا جارہا ہے، میچ سے پہلے نیٹ پریکٹس کی ایک ویڈیو سوشل میڈیا پر وائرل ہورہی ہے جس میں بابر اعظم بیٹنگ کے دوران دو بار بولڈ ہوگئے۔
پہلے شاہین آفریدی نے کپتان کو کلین بولڈ کیا، اس کے بعد حارث کی گیند کو بابر نے آرام سے کھیل دیا جبکہ اس کے بعد آنے والے نسیم شاہ نے اپنی تیز رفتار گیند سے کپتان کی وکٹیں اڑادیں۔
یاد رہے کہ پاکستان اور نیوزی لینڈ کے درمیان 5 ٹی ٹوئنٹی میچوں کی سیریز 2، 2سے برابر ہوگئی تھی کیونکہ سیریز کا ایک میچ بارش کی نذر ہوگیا تھا۔
آج 5 ایک روزہ میچوں کی سیریز کا پہلا میچ راولپنڈی میں کھیلا جارہا ہے، دوسرا میچ بھی راولپنڈی میں 29 اپریل کو ہوگا جبکہ سیریز کے باقی 3 میچ کراچی میں کھیلے جائینگے۔