نئی دہلی: بھارتی ریاست منی پور میں ہنگامے پھوٹ پڑے۔ مودی حکومت کی جانب سے فوج طلب کر کے 8 اضلاع میں کرفیو نافذ کر دیا گیا۔
بھارتی میڈیا کے مطابق ریاست منی پور کے دارالحکومت امپھال میں پرتشدد واقعات شدت اختیار کر گئے اور مشتعل افراد نے ایک دوسرے کے گھروں پر حملے شروع کر دیئے۔
ہنگامہ آرائیوں کے دوران متعدد گرجا گھروں اور کئی مکانات کو آگ لگا دی گئی جبکہ مخالفین کی املاک کو بھی نقصان پہنچایا جا رہا ہے۔ جلاؤ گھیراؤ میں متعدد افراد کے جھلس کر زخمی ہونے کی بھی اطلاعات ہیں۔
یہ بھی پڑھیں:
منی پور کی خراب صورتحال کے باعث حکومت کی جانب سے ریاست میں فوج کو طلب کر لیا گیا جبکہ سب سے زیادہ متاثر 8 اضلاع میں کرفیو نافذ کر دیا گیا۔
ریاست کے بیشتر علاقوں میں 5 روز کے لیے انٹرنیٹ سروس بھی معطل کر دی گئی جبکہ اجتماعات پر مکمل پابندی لگا دی۔