پاکستان اور نیوزی لینڈ کے درمیان 5 میچز کی سیریز کا اتوا کو آخری میچ کراچی اسٹیڈیم میں کھیلا جائے گا۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر آخری میچ سے متعلق کچھ ایسی معلومات وائرل ہو چکی ہیں، جو کہ شاید آپ بھی نہ جانتے ہوں، دراصل کیویز اور پاکستانی شاہینوں کے درمیان اس میچ کو اہمیت اس لیے بھی دی جا رہی ہے، کیونکہ یہ میچ پاکستان کرکٹ ٹیم کے کپتان بابر اعظم کے لیے اہم ثابت ہوگا۔
یہ میچ بابر اعظم کا 100 واں میچ ہے، یعنی اپنی کرکٹ کی تاریخ میں بابر اعظم نے اب تک 99 میچز کھیل چکے ہیں، اور یہ میچ کھیلنے کے بعد بابر اعظم اپن 100 واں میچ بھی مکمل کر لیں گے۔
گزشتہ میچ یعنی 99 ویں میچ میں نیوزی لینڈ کے خلاف پاکستانی بلے باز اور کپتان نے 117 گیندوں پر 107رنز بنائے تھے۔ سنچری کرنے پر بابر اعظم کو جہاں سراہا جا رہا تھا وہیں اب ان کے 100 ویں میچ پر مداح اور پاکستانی شائقین پُر امید ہیں کہ وہ اس میچ میں بھی کچھ ایسا ضرور کریں گے، کہ یہ میچ یاد رہے۔
پی سی بی کی جانب سے ان کے ڈیبیوٹ میچ کی ایک ویڈیو بھی شئیر کی گئی تھی، یہ ویڈیو 2015 کی ہے، جب بابر نے پہلی بار پاکستان کے لیے کھیلنا شروع کیا۔