پچھلے کچھ عرصے سے پاکستانی کرکٹر شعیب ملک اور بھارتی ٹینس اسٹار ثانیہ مرزا علیحدگی کی افواہوں کی وجہ سے خبروں میں ہیں۔ ان کی مبینہ طلاق کے بارے میں قیاس آرائیاں کافی وقت سے کی جارہی ہیں۔ لیکن نہ تو ثانیہ اور نہ ہی شعیب نے اس پر اب تک کوئی بیان جاری کیا۔
حال ہی میں جب ثانیہ مرزہ ایک تقریب میں میڈیا سے بات کر رہی تھیں تو ایک صحافی نے ان سے پوچھا کہ، وہ اپنے بچے کے ساتھ ساتھ اپنے کیریئر کو کیسے سنبھالتی ہیں؟
صحافی کے سوال پر سابق بھارتی ٹینس اسٹار ثانیہ مرزا برا مان گئیں اور اسے جواب میں شعیب ملک کا نام لئے بغیر کہا کہ،
"جیسے وہ مینج کرتے ہیں ویسے ہی میں کرتی ہوں، اور اس بات کا کھل کر جواب میں آپ کو تب دوں گی، جب اگر آپ یہی سوال شعیب سے بھی کریں تو۔"
ثانیہ مرزا اور شعیب ملک 12 اپریل 2010 کو رشتہ ازدواج میں منسلک ہوئے جس کے بعد سیالکوٹ میں ولیمہ کی تقریب ہوئی۔ جوڑے نے 2018 میں اپنے بیٹے اذہان کا استقبال کیا۔