ترکیہ والے پاکستانیوں سے پیار کرتے ہیں، اس بات کو کئی بار سنا ہے، مگر کیا کبھی دیکھا بھی ہے؟
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
ترکیہ سے تعلق رکھنے والی ایک لڑکی نے اُس وقت سب کی توجہ خوب سمیٹ لی جب وہ پاکستان کے ایک مقامی رپورٹر کی اداکاری کرنے لگی۔
ترکیہ اپنے خوبصورت لوگوں سمیت منظر کی وجہ سے بھی جانا جاتا ہے، ایک ایسے ہی منظر میں پاکستانی رپورٹر کی یاد تازہ اُس وقت ہوئی جب مشہور یوٹیوبر ترکان آتے نے پاکستان نیوز رپورٹر چاند نواب کی مقبول ہونے والی رپورٹنگ کی اداکاری کی۔
مذکورہ ویڈیو میں بھی ترکش یوٹیوبر ایک برج پر کھاڑی ہیں اور عقب میں ٹرینیں تو نہیں ہیں مگر گاڑیاں ضرور جا رہی ہیں۔
جیسے ہی کوئی شہری کیمرے کے بیچ سے گزرتا تو خاتون فورا اردو میں کہتیں کہ یار بیچ سے نہ جاؤ، ٹرین نکل جائے گی۔
خاتون بالکل پاکستانی رپورٹر کے لہجے میں ہی کہہ رہ تھیں کہ کراچی سے لوگ اپنوں میں عید منانے جا رہے ہیں۔
سوشل میڈیا پر اس ویڈیو نے سب کی توجہ خوب سمیٹ لی ہے۔