بھارتی اداکارہ پرینیتی چوپڑا کی منگنی کل بھارتی سیاستدان راگھو چڈھا سے دہلی میں ہوئی۔ ان کی منگنی کا بھارتی مداحوں کو بے صبری سے انتظار تھا۔ اداکارہ نے شروع ہی سے اپنے اور راگھو کے تعلق کو چھپا کر رکھا لیکن جیسے جیسے ان دونوں کو ساتھ کانفرنس اور دیگر جگہوں پر دیکھا تو ان کے چاہنے والوں کا تجسس بڑھ گیا، بہرحال کل ان کی منگنی ایک پروقار تقریب میں ہوئی جہاں گانے باجے بھی ہوئے اور سکھ مذہب کے تحت رسومات بھی ہوئیں۔
اداکارہ پرینیتی چوپڑا مشہور اداکارہ پریانکا چوپڑا کی کزن ہیں۔ ان کی منگنی پر انڈسٹری کے مشہور اداکاروں اور سماجی و سیاسی شخصیات نے شرکت کی۔ اداکارہ نے گولڈن اور ہاف وائٹ رنگ کے کپڑے زیب تن کیے ہوئے تھے اور راگھو نے بھی میچنگ تھیم کو دیکھتے ہوئے گولڈن شیروانی زیب تن کی۔
پرینیتی چوپڑا کی منگنی کی انگوٹھی اس وقت سب کی نظروں میں ہے۔ تفصیلات کے مطابق بھارتی اداکارہ کی انگھوٹی کی قیمت 80 سے 90 لاکھ بھارتی جبکہ پاکستانی 3 کروڑ سے بھی زائد کی ہے لیکن ان کے شوہر کی انگھوٹی ایک لاکھ پانچ ہزار بھارتی روپے ہے جوکہ پاکستانی 3 لاکھ کے قریب ہیں۔
پرینیتی کی انگھوٹی کے درمیان میں ایک بڑا سا ڈائمند کا گول ٹکڑا لگا ہوا ہے جو صرف پیرس سے برآمد کیا جاتا ہے جبکہ اس کی انگوٹھی کے اطراف خالص سفید سونے کا تار بندھا ہوا ہے جس پر سفید سونے اور ہیرے کا پانی لگایا ہوا ہے جس کی وجہ سے یہ قیمتی انگوٹھی تصور کی جا رہی ہے۔