پاکستان کرکٹ ٹیم جو دنیا کی بہترین ٹیم مانی جاتی ہے۔ اس ٹیم میں ایک نئی روح پھونکنے والے مشہور کھلاڑی سرفراز احمد ہیں جن کی قیادت میں پاکستان ٹیم بھارت کو ہرا کر چیمپئن ٹرافی گھر لے کے آئی۔ پر اب سرفراز ٹیم سے باہر ہیں۔
اور اب قومی ٹیم کے ڈائریکٹر مکی آرتھر سے ان کی ورلڈ کپ کیلئے ٹیم میں شمولیت سے متعلق سوال کیا گیا۔
تو انہوں نے نجی ٹی وی کو دیے گئے انٹرویو کے دوران کہا کہ پاکستان کرکٹ ٹیم میں بہت سے کھلاڑی اس وقت ورلڈکپ کی تیاری میں مصروف ہیں اور پاکستان کی کرکٹ سے متعلق میرے پاس کئی منصوبے ہیں۔ بس اس مرتبہ ایسی ٹیم تیار کرنی ہے جو گزشتہ ورلڈ کپ سے بہتر ہو اور یہ ورلڈکپ ضرور جیت سکے۔
یہ کارنامہ کرنے کیلئے ٹیم میں بہت سے باصلاحیت اور محنتی لڑکے موجود ہیں اور جہاں تک بات سرفراز احمد کی ہے تو ابھی تک سابق کپتان سرفراز احمد کی ورلڈکپ میں شمولیت واضح نہیں ہے۔ میری اور سرفراز کی ایک ساتھ بہت یادیں ہیں، سفراز ایک اچھے انسان ہیں اور ان سے تعلقات بھی بہت اچھے ہیں۔
یہی نہیں بلکہ چیئرمین پی سی بی نجم سیٹھی کی بھی تعریف کر گئے اور کہنے لگے کہ سیٹھی صاحب سے بھی میرے تعلقات ہمیشہ اچھے رہے ہیں۔ اگر یہ نہ ہوتے تو میں آج ٹیم ڈائریکٹر بھی نہ ہوتا۔
واضح رہے کہ مکی آرتھر نے گزشتہ کئی سال قومی ٹیم کی کوچنک کے فرائض سر انجام دیے ہیں اس کے علاوہ آپکو یہ بھی بتاتے چلیں کہ جب سرفراز احمد کی قیادت میں قومی ٹیم چیمپئن ٹرافی جیت کر آئی تو اس وقت بھی یہی کرکٹ ٹیم کے کوچ تھے۔