آئی سی سی نے کرکٹ کے قوانین میں اہم تبدیلیوں کے علاوہ امپائرز کیلئے بھی اہم پابندیوں کا اعلان کردیا ہے، ڈیڈ بال سے متعلق قانون میں تبدیلی کا فیصلہ واپس لے لیا گیا۔
ٹی ٹوئنٹی ورلڈ کپ 2022 میں انڈین ٹیم کو پاکستان کے خلاف میچ جیتنے کے لیے تین گیندوں پر پانچ رنز درکار تھے جب ویرات کوہلی کو محمد نواز نے فری ہٹ گیند پر بولڈ کر دیا تھالیکن کوہلی نے تین رن بھاگ لیے اور امپائر نے ان رنز کو ’بائیز‘ قرار دیا۔
اس کے بعد امپائر اور پاکستانی کپتان بابر اعظم کے درمیان ایک بحث ہوئی۔ بابر چاہتے تھے کہ گیند کو فری ہٹ ہونے کی وجہ سے اسٹمپ پر لگتے ہی ’ڈیڈ بال‘ قرار دینا ہوگا۔ صرف تین رنز اس اہم میچ میں متنازع بن گئے، جسے انڈیا آخری بال پر جیت گیا تھا۔
اس کا مطلب یہ ہے کہ اگر کوئی بلے باز ’فری ہٹ‘ پر بولڈ ہوتا ہے تو اس کے بولڈ ہونے کے بعد بنائے گئے رنز کو ’ایکسٹرا‘ کے طور پر درجہ بندی کیا جاتا رہے گا اور وہ بلے باز کے اکاؤنٹ میں نہیں شمار کیا جائے گا۔
آئی سی سی نے کرکٹ سے متعلق چند قوانین میں بھی تبدیلی کا اعلان کیاہے، اب کیچ لینے پر فیلڈ پر موجود امپائر اب آوٹ کے اعلان کے لیے ’سافٹ سگنل‘ نہیں دیں گے۔نئے قوانین کے مطابق فیلڈ پر موجود امپائرز اب ٹی وی امپائر سےمشورہ کر حتمی فیصلہ دیں گے۔
ایک اور قانون میں تبدیل کے تحت آئی سی سی نے ’ہائی رسک‘ پوزیشنوں پر کھلاڑیوں کے لیے ہیلمٹ پہننا لازمی قرار دیا ہے۔
ساتھ ہی یہ بھی اعلان کیا گیا ہے کہ اگر ٹیسٹ میچ کے دوران قدرتی روشنی کی کمی ہوتی ہے تو ’فلڈ لائٹ‘ کا استعمال کیا جا سکتا ہے اور ٹیسٹ میچ میں اگر ضرورت ہو چھٹے روز کو ’ریزرو ڈے‘ کرطور پر استعمال کیا جا سکتا ہے۔