نامور گلوکارہ شبنم مجید نے کہا ہے کہ پاک فوج ہے تو ہم سب ہیں، پاک فوج پاکستان کی سلامتی او ر بقاء کی ضامن ہے اور پوری قوم کو اس پر فخر ہے۔
ایک انٹرویو میں شبنم مجید کا کہنا تھا کہ کوئی بھی سیاسی جماعت ہو اسے اپنے مفادات کیلئے اداروں پر تنقید نہیں کرنی چاہیے، کچھ لوگوں کی جانب سے پاک فوج کے خلاف جس طرح کی مہم چلائی گئی وہ قابل مذمت ہے۔
پاک فوج کے افسران اور جوان دن رات سرحدوں پر رہ کر اپنے ملک کی حفاظت کرتے ہیں، ملک کے اندر دہشتگردی کے خلاف جنگ میں سینہ سپر ہیں اور روز شہادتیں دے رہے ہیں، انہوں نے کہا کہ پوری قوم پاک فوج کے ساتھ ہے اور ان کی قربانیوں کا اعتراف کرتی ہے۔