سنیپ چیٹ ‘اے آئی’ بھی بابر اعظم کا مداح نکلا

ویڈیو سٹریمنگ ایپ ‘سنیپ چیٹ’ کی جانب سے متعارف کرائے گئے چیٹ جی پی ٹی پر مبنی ایک اے آئی ٹول کا سوشل میڈیا پر ہر طرف چرچا ہے۔ کرکٹ میں دلچسپی رکھنے والے افراد بھی اب اس فیچر کو پسند کرتے نظر آرہے ہیں۔

سماجی رابطے کی ویب سائٹ ٹوئٹر پر حال ہی میں ایک سنیپ چیٹ صارف کی طرف سے سنیپ چیٹ ‘اے آئی’ کا استعمال کرتے ہوئے ایک دلچسپ سوال پوچھا گیا۔ صارف نے سوال کیا کہ قومی کرکٹر بابر اعظم کو بھارتی کرکٹر ویرات کوہلی میں سے کون بہتر ہے؟

جواب میں سنیپ چیٹ ‘اے آئی’ دونوں میں سے کسی کو بہتر قرار دینے سے گریز کرتے ہوئے کہتا ہے کہ دونوں ہی اچھے کھلاڑی ہیں۔ دونوں کا آپس میں موازنہ کرنا مشکل ہے جس کی وجہ یہ ہے کہ دونوں کے ہی کھیلنے کے اپنے الگ انداز ہیں۔

سنیپ چیٹ صارف پھر سوال کرتا ہے کہ دونوں میں سے کسی ایک نام کا انتخاب کرنا پڑے تو؟ صارف کے اصرار کرنے پر سنیپ چیٹ ‘اے آئی’ قومی ٹیم کے کپتان بابر اعظم کا نام لیتا ہے۔

— Shapatar (@_Shapatar) May 18, 2023