مشہور فٹ بالر رونالڈو کچھ ماہ سے سعودی عرب میں اپنے بچوں کے ساتھ مقیم ہیں اور وہاں کی شاہانہ مہمان نوازی کے مزے اٹھا رہے ہیں لیکن ساتھ ہی رونالڈو کا مزاج اس قدر دوستانہ اور اسلامی ماحول سے ملتا جلتا ہوگیا ہے کہ سب حیران ہیں۔ نادي النصر السعودي لیگ میں کل میچ کے دوران گول مارتے ہی رونالڈو سجدے میں گرگئے اور پوری ٹیم کے درمیان انہوں نے سجدہ ریز ہو کر سب کے دل جیت لیے۔ ان کی اس ویڈیو کو دنیا بھر میں شیئر کیا جا رہا ہے اور ہر کوئی ان کے اس عمل کو پسند کر رہا ہے۔
رونالڈو اس وقت نادي النصر السعودي کلب کے لیے کھیل رہے ہیں۔ واضح رہے فٹ بالر رونالڈو نے سعودی کلب ’النصر‘ کے ساتھ سالانہ 200 ملین (20 کروڑ) یورو کی ڈیل کی تھی یعنی انھیں سنہ 2025 تک سالانہ 200 ملین یورو کی ادائیگی کی جائے گی۔ گزشتہ روز ٹیم النصر نے اپنا میچ الشہباب کے خلاف کھیلا جس میں رونالڈو کی ٹیم النصر نے اپنا میچ 3-2 سے جیت لیا۔