راولپنڈی کی نجی ہاؤوسنگ سوسائٹی کے ایک گھر میں مبینہ ڈکیتی کے دوران پاکستان کے زیرِانتظام کشمیر سے تعلق رکھنے والے ڈسٹرکٹ اینڈ سیشن جج ہلاک ہو گئے ہیں۔
پولیس کے مطابق منگل کو علی الصبح تھانہ روات کے علاقے میں نجی ہاؤسنگ سوسائٹی کے ایک گھر میں ڈاکو گھُس گئے جن کو مزاحمت کا سامنا کرنا پڑا۔عینی شاہدین کے مطابق ڈاکوؤں نے گھر کے اندر فائرنگ کی جس سے ایک شخص سردار امجد اسحاق شدید زخمی ہو گئے جو بعد ازاں ہسپتال لے جاتے ہوئے جانبر نہ ہو سکے۔ہلاک ہونے والے گھر کے مکین کی شناخت بعد ازاں پاکستان کے زیرِانتظام کشمیر کے شہر میرپور کی ڈسٹرکٹ اینڈ سیشن کے جج کے طور پر ہوئی۔پولیس کے مطابق ملزمان موقع واردات سے فرار ہونے میں کامیاب ہو گئے اور واقعے کی تفتیش شروع کر دی گئی ہے۔پولیس نے بتایا کہ لاش کو ہسپتال منتقل کیا گیا جہاں پوسٹمارٹم کیا جائے گا۔خاندانی ذرائع کے مطابق امجد اسحاق کمر کے آپریشن کے بعد مظفرآباد ہائیکورٹ میں تعینات تھے۔ اُن کا تعلق راولاکوٹ کے علاقے ہرنہ میرا کوٹیڑا سے تھا۔مقتول کی عمر 45 سے 50 برس کے درمیان تھی۔