سال 2023 کھلاڑیوں کے لیے اب تک ایک اچھا سال ثابت ہوا ہے۔ اس سال بیشتر کھلاڑی عمرے کی سعادت حاصل کرچکے ہیں اور اب خبریں یہ سامنے آ رہی ہیں کہ پاکستان کرکٹ ٹیم کے کپتان بابر اعظم، اوپننگ بلے باز محمد رضوان اور فخر زمان اس سال حج کی سعادت حاصل کریں گے۔ تفصیلات کے مطابق بابر اعظم اپنی والدہ کے ساتھ جون کے دوسرے ہفتے میں سعودی عرب روانہ ہوں گے جبکہ محمد رضوان اور فخر زمان بھی اس سال حج پر جائیں گے۔
سابق کرکٹر انضمام الحق بھی اہلیہ کے ہمراہ فریضہ حج ادا کریں گے، فہیم اشرف اور افتخار احمد سمیت دیگر کرکٹرز بھی اسی سال حج کی سعادت حاصل کریں گے۔