بھارتی ہدایتکار کرن جوہر نے 22 سال پہلے ریلیز ہونے والے سپر ہٹ فلم کبھی خوشی کبھی غم کے حوالے سے بتایا ہے کہ شاہ رخ خان کے مقابل کاجول کے بجائے ایشوریا رائے کا کاسٹ کرنے کا ارادہ تھا۔
اپنے ایک انٹرویو میں کرن جوہر نے بتایا کہ کاجول کی شادی کی وجہ سے مجھے ایسا لگا کہ شائد کاجول اس فلم میں کام نہیں کرپائیں گی اس لئے میں ایشوریا کو کاسٹ کرنے کا سوچ رہا تھا۔
کرن جوہر نے بتایا کہ میں نے کاجول سے ایک فلم کے سیٹ پر سرسری ذکر کیا تو کاجول نے حامی بھرلی جس کی وجہ سے میں ایشوریا کے پاس نہیں گیا لیکن اگر کاجول انکار کرتی تو فلم میں شائد ایشوریا ہی مرکزی کردار ادا کرتیں۔
یاد رہے کہ 2001 کی سپر ہٹ فلم میں امیتابھ بچن، جیا بچن، شاہ رخ خان، کاجول، ہریتک روشن اور کرینہ کپور شامل تھے۔فلم کی عکس بندی کا آغاز کرن جوہر کی پہلی فلم کچھ کچھ ہوتا ہے کی ریلیز کے فوری بعد 1998 میں ہوا۔ پرنسپل فوٹوگرافی 16 اکتوبر 2000 کو ممبئی میں شروع ہوئی اور پھر یہ لندن اور مصر میں بھی جاری رہی۔
ابتدائی طور پر 2001 کی دیوالی کی تہواروں کے دوران ریلیز ہونے والی اس فلم کو بالآخر 14 دسمبر 2001 کو ہندوستان، برطانیہ اور شمالی امریکا میں بھی ریلیزکیا گیا۔
2003 میں یہ جرمنی کے تھیٹر میں ریلیز ہونے والی پہلی ہندوستانی فلم بن گئی۔400 ملین کے بجٹ سے تیار کی گئی کبھی خوشی کبھی غم، مقامی اور بین الاقوامی سطح پر ایک بڑی تجارتی کامیاب فلم کے طور پر سامنے آئی۔