کھیل دنیا بھر کے لوگوں کا مشترکہ مشغلہ ہے، کوئی کرکٹ تو کوئی فٹ بال کا دیوانہ ہے لیکن کچھ لوگ دیگر انڈور اور آؤٹ ڈور چیزوں کو پسند کرتے ہیں۔ غیرملکی میڈیا کے مطابق لاس ویگاس میں آئس ہاکی میچ کے دوران امریکی ٹی وی کی خاتون سپورٹس اینکر سمانتھا ریویرا لائیو ٹی وی پر بات کر رہی تھیں تو اس دوران وہاں موجود ایک شخص نے کیمرے میں آنے کی کوشش کی۔
خاتون نے اس دوران اپنی نظریں کیمرے پر ہی رکھیں اور اس شخص کو اپنے دوسرے ہاتھ سے کیمرے میں آنے سے روک دیا۔ سمانتھا نے ٹوئٹر پر لکھا کہ سنو، مجھے اس بات سے کوئی فرق نہیں پڑتا کہ آپ کس ٹیم کے لیے چیخ رہے تھے، جب میں بات کر رہی ہوں تو میرے سامنے سے ہٹ جائیں اور اس بات کا خیال کریں کہ میں یہاں اپنا کام کرنے آئی ہوں۔