پاکستان کرکٹ ٹیم کے فاسٹ بالر شاہین آفریدی نے لیگ کرکٹ کیلئے قومی ٹیم کے ساتھ دورہ سری لنکا سے معذرت کرلی۔
آئی سی سی ٹیسٹ چیمپئن شپ کی سیریز کیلئے پاکستان ٹیم آئندہ چند ہفتوں میں بابر اعظم کی قیادت میں سری لنکا کا دورہ کرے گی تاہم فاسٹ بولر شاہین شاہ آفریدی قومی اسکواڈ کا حصہ نہیں ہوں گے۔
فاسٹ بولر شاہین آفریدی اس وقت انگلینڈ میں موجود ناٹنگھم شائر کے لئے ٹی 20 بلاسٹ میں ایکشن میں ہیں جس کی وجہ سے وہ قومی ٹیم کے ساتھ سری لنکا نہیں جائینگے۔
25 ٹیسٹ میچوں میں 99 وکٹیں حاصل کرنے والے شاہین آفریدی نے گزشتہ برس جولائی میں سری لنکا کے خلاف اپنا آخری ٹیسٹ میچ کھیلا تھا اور سری لنکا کے دوران فیلڈنگ کرتے ہوئے زخمی ہو گئے تھے۔
صحت یاب ہو نے کے بعد شاہین کی وائٹ بال کرکٹ میں ضرور واپسی ہوئی تاہم ہوم گراؤنڈ پر انگلینڈ اور نیوزی لینڈ کے خلاف ٹیسٹ سیریز میں بھی حصہ نہیں لیا تھا۔
اب سری لنکا کے آئندہ دورے کے دوران وہ پاکستان کرکٹ ٹیم کے ساتھ جانے کے بجائے انگلینڈ میں لیگ کھیلیں گے۔