نئی دہلی: بھارتی اداکارہ راکھی ساونت نے انکشاف کیا ہے کہ انہیں پھر کوئی اور مل گیا ہے تاہم وہ پہلی شادی کے نتائج کی وجہ سے خوفزدہ ہیں۔
غیر ملکی خبر رساں ایجنسی کے مطابق راکھی ساونت نے میڈیا سے گفتگو کرتے ہوئے کہا کہ مجھے کوئی مل گیا ہے لیکن میں پہلی شادی کے بعد ڈر گئی ہوں اور جیون ساتھی کا فیصلہ کرنے سے پہلے کئی بار سوچوں گی۔
انہوں نے کہا کہ مجھے ایک نیا چاہنے والا مل گیا ہے لیکن عادل درانی سے شادی کے نتائج کے بعد اب کئی چیزوں پر شکوک و شبہات ہیں۔
یہ بھی پڑھیں:
راکھی ساونت نے کہا کہ میری ایک اچھے شخص سے ملاقات ہوئی ہے لیکن میں گزشتہ نتائج کے باعث بہت خوفزدہ ہوں اور میری پہلی شادی کا انجام سب جانتے ہیں۔
انہوں نے کہا کہ میں چاہتی ہوں میری زندگی میں پھر سے خوشیاں آئیں کیونکہ میں نے زندگی میں بہت رو لیا۔ میں مایوسی کے باعث دبئی چلی گئی تھی تاہم اب میری زندگی میں سکون آ گیا ہے۔