دنیا میں پالتو جانوروں کی جانب سے دلچسپ کاموں کے بعد اب امریکی ایئرپورٹ پر بلی کو نوکری پر رکھ لیا گیا ہے۔
امریکا میں سان فرانسسکو انٹرنیشنل ایئرپورٹ پر بلی کو نوکری پر رکھنے کے حوالے سے معلوم ہوا ہے کہ یہ کام پریشان مسافروں کو پُرسکون کرنے کے لیے کیا گیا ہے۔
ایئرپورٹ پر نوکری کرنیوالی اس بلی کی عمر 14 سال ہے، بلی کو پائلٹ کا یونیفارم اور کیپ پہنا کر تصویر بھی سوشل میڈیا اکاؤنٹ پر شیئر کی گئی ہے۔
div class='imgCenter'>
مغربی ممالک میں کتے، بلیاں اور دیگر جانور پالنا عام سی بات ہے اور کئی بار ان جانوروں کو ایسا سدھایا جاتا ہے کہ یہ جانور مالک کے بغیر اکیلے جاکر دکانوں سے سامان بھی لے آتے ہیں۔
دنیا میں پالتو کتے کئی سرکاری محکموں کی مدد کے علاوہ گھر کی حفاظت اور کھیل کود میں بھی ساتھ دیتے ہیں تاہم بلی کو ایئر پورٹ پر نوکری ملنے کی خبر سب سے الگ ہے۔
رپورٹس کے مطابق ’ویگ بریگیڈ‘ نامی پروگرام پہلی بار 2013 میں کیلی فورنیا کے ہوائی اڈے پر شروع کیا گیا تھا جس کا مقصد پریشان مسافروں کی مدد کے لیے جانوروں کو استعمال کرنا تھا۔
ابتدائی طور پر یہ پروگرام کتوں تک محدود تھا لیکن وقت کے ساتھ ساتھ اس میں توسیع کی گئی اور اس میں تربیت یافتہ بلیوں اور خرگوشوں کو بھی شامل کیا گیا۔