موت سے بھلا کون بچ سکا ہے۔ کبھی کبھار کچھ ایسے واقعات سننے میں آتے ہیں جنھیں سن کر انسان خوفزدوہ ہوجاتا ہے۔ ایسا ہی واقعہ پیش آیا لاطینی امریکا کے ملک ایکواڈور میں جہاں کچھ دن پہلے مونٹویا نامی خاتون کو ڈاکٹر نے مردہ ڈکلئیر کردیا۔ البتہ جب ان کا تابوت رکھ کر آخری رسومات ادا کی جارہی تھیں تو وہ زندہ ہوگئیں۔
اچانک تابوت سے آوازیں آنے کے بعد جب اسے کھولا گیا تو 76 سالہ خاتون بمشکل سانسیں لیتی اٹھ بیٹھی جس کے بعد انھیں اسپتال میں دوبارہ داخل کرا دیا گیا۔ خاتون کے گھر والوں کا کہنا تھا کہ انھیں ہائی بلڈ پریشر اور دل کے امراض لاحق تھے۔
واضح رہے کہ اس اسپتال میں خاتون کی موت کی وجہ دل کا دورہ بتایا گیا تھا۔ مگر اپنے جنازے کے دن اچانک زندہ ہونے والی خاتون چند دن بعد واقعی انتقال کرچکی ہیں جس کی تصدیق ان کے بیٹے نے کی ہے۔