پاکستان کرکٹ ٹیم نے بھارتی فلمی ستاروں کی نگری ممبئی میں ورلڈکپ کے میچز کھیلنے سے انکار کرتے ہوئے آئی سی سی کو وجوہات سے آگاہ کردیا ہے۔
آئی سی سی ورلڈ کپ کے شیڈول کا اعلان کل کیا جائے گااور کولکتہ میں ممکنہ طور پر پاکستان کے 3 میچز شیڈولڈ ہیں جبکہ پاکستان بھارت کا میچ احمد آباد میں ہوگا۔
بھارت میں اکتوبر میں ہونے والے ورلڈ کپ میں پاکستان ٹیم ممبئی سفر نہیں کرے گی، پی سی بی نے آئی سی سی کو بتا دیا ہے کہ ممبئی پاکستان کیلئے محفوظ نہیں ہے، پاکستان اوربھارت کے سیمی فائنل میں ٹکراؤ کی صورت میں کولکتہ میں میچ کرایا جائے۔
یاد رہے کہ بھارت میں شیڈول آئی سی سی کرکٹ ورلڈکپ 2023 کی ٹرافی کی خلا میں رونمائی کی ویڈیو جاری کر دی گئی ہے۔
بھارتی کرکٹ بورڈ کے سربراہ جے شاہ کی جانب سے سوشل میڈیا پر آئی سی سی ورلڈکپ ٹرافی کی خلا میں رونمائی کے ساتھ کیپشن بھی تحریر کیا گیا ہے۔
جے شاہ کی جانب سے لکھا گیا ہے کہ آئی سی سی ورلڈکپ 2023 کی ٹرافی کی دنیا سے باہر خلا میں رونمائی کی گئی، کسی بھی اسپورٹس ایونٹ کی پہلی آفیشل ٹرافی ہے جسے خلا میں بھیجا گیا۔