امریکی ریاست کنیکٹیکٹ کے شہر ہارٹ فورڈ میں عیدالاضحیٰ کی نماز کے بعد 33 سالہ پاکستانی نژاد امریکی خاتون سیاستدان مریم خان پر حملہ کیا گیا۔
تفصیلات کے مطابق ہارٹ فورڈ میں ایک شخص نے مریم خان اور بچوں پر بے ہودہ جملے کسے، حملہ آور نے مریم خان پر تشدد کیا اور دھکا دے کر زمین پر گرایا، حملہ آور فرار ہوا تو شہریوں نے پیچھا کر کے پکڑا اور پولیس کے حوالے کردیا۔
امریکی میڈیا کے مطابق پاکستانی نژاد مریم خان امریکی ریاست کنیکٹیکٹ کے ایوان کی رکن ہیں، حملہ آور کو امن و امان کی خلاف ورزی اور حملے کے الزامات کے تحت حراست میں لے لیا گیا ہے۔
33 سالہ مریم خان کنیکٹیکٹ ہاؤس آف ریپریزنٹیٹوز کی پہلی مسلمان رکن ہیں، کنیکٹیکٹ ہاؤس اسپیکر میٹ رائٹر اور اکثریتی رہنما جیسن روزاس نے مریم خان پرحملے کی مذمت کی ہے۔