سعودی ادارہ فلکیات کے ماہر ڈاکٹر خالد الزعاق کے مطابق سورج 3 روز کے لیے خانہ کعبہ کے اوپر ہوگا۔ خانہ کعبہ کی طرف رخ کر کے دنیا بھر کے مسلمان نماز ادا کرتے ہیں۔ قبلے کا رخ دن کے وقت سورج اور رات کے وقت ستاروں کے ذریعے متعین کیا جاتا رہا ہے۔
سعودی ماہر فلکیات ڈاکٹر خالد الزعاق نے کہا ہے کہ 15، 16 اور 17 جولائی یعنی ہفتہ، اتوار اور پیر کے دن مکہ مکرمہ میں ظہر کی اذان کے وقت 12 بج کر 22 منٹ پر سورج خانہ کعبہ کے اوپر ہو گا۔ جبکہ پاکستان میں اس وقت 2 بج کر 18 منٹ ہو رہے ہوں گے، مزید یہ کہ جس وقت سورج خانہ کعبہ کے عین اوپر ہوگا اس وقت خانہ کعبہ کا سایہ دکھائی نہیں دے گا۔
عرب ویب سائٹ کے مطابق یہ عربی مہینے ذی الحجہ کی 27، 28
اور 29 تاریخ ہو گی۔
نماز اور قبلے کے اوقات کے تعین میں سورج کا کردار کلیدی ہے۔