امریکا کے سمندر میں نایاب نسل کی گلابی ڈولفنز نے لوگوں کو متوجہ کرلیا، ویڈیو پوری دنیا میں وائرل ہوگئی۔
میڈیا رپورٹس کے مطابق نایاب نسل کی گلابی ڈولفنز کو ریاست لوزیانا کے سمندر میں کھیلتے ہوئے دیکھا گیا ہے جسے ایک مچھیرے نے کیمرے کی آنکھ نے محفوظ کرلیا۔
مچھیرے نے یہ ویڈیو ایک ہفتے قبل بنائی تھی،ا س حوالے سے اس نے بتایا کہ پانی میں معمول سے ہٹ کر کچھ الگ محسوس کیا تو اپنی کشتی کو روک دیا اور لیکن اس کے بعد جب ڈولفن پانی سے باہر آئی تو وہ حیران رہ گیا۔
تھر مین نامی مچھیرے کا کہنا تھا کہ اس علاقے میں ڈولفنز پائی جاتی ہیں لیکن وہ گلابی رنگ کی ڈولفن دیکھ کر دنگ رہ گئے۔
اس حوالے سے آبی حیات کیلئے کام کرنے والے ادارے بلیو ورلڈ انسٹی ٹیوٹ کا کہنا ہے کہ گلابی اور سفید رنگ کی ڈولفنز نایاب ہوتی ہیں لیکن بد قسمتی سے ان کا منفرد رنگ انسانوں کو متوجہ کرلیتا ہے جس کے باعث انہیں قید بھی کرلیا جاتا ہے۔
ویڈیو میں نظر آنے والی نایاب گلابی ڈولفن بھی انسانوں کی وجہ سے معدومی کے خطرات سے دوچار ہے۔