اکثر کچھ چیزیں انسان کو چکرا کر رکھ دیتی ہیں کیونکہ اچانک دیکھنے پر نظر آنے والی چیزیں حقیقت میں کچھ اور ہی ہوتی ہیں جیسا کہ اس ویڈیو میں اگر آپ پہلی نظر میں دیکھیں تو آپ کو شائد مینڈک لگیں لیکن حقیقت جان کر آپ حیران رہ جائینگے۔
انسٹاگرام پر وائرل اس ویڈیو کو دیکھ کر لگتا ہے کہ چھوٹے لاروا یا مینڈک کے ننھے بچے پانی میں تیر رہے ہیں۔ کیمرہ مین نے بہت بلندی سے یہ ویڈیو ریکارڈ کی ہے اس لئے اگر کوئی بھی یہ ویڈیو دیکھے گا تو پہلی نظر میں دھوکہ کھا جائے گا
دھوکہ دہی بھی ایسی ہے کہ آپ کو ہر جگہ کیڑے یا مینڈک ہی نظر آئیں گے۔ اگر آپ غور سے دیکھیں تو آپ سمجھ جائیں گے کہ اونچائی سے لی گئی ویڈیو کو بنانے کے بعد اس کی رفتار میں تھوڑا سا اضافہ کیا گیا ہے۔اگر آپ ابھی تک اس مسئلے کو حل نہیں کرپائے ہیں تو ہم آپ کو اس کے صحیح جواب سے آگاہ کرتے ہیں۔
یہ ایک ساحل سمندر کا منظر ہے جہاں کنارے پر بہت سارے لوگ بھی بیٹھے ہوئے ہیں اور اگر آپ غور سے دیکھیں تو آپ کو معلوم ہوگا کہ عجیب تیرتی مخلوق دراصل عام انسان ہیں۔
اس ویڈیو کو دیکھ کر اندازہ لگایا جا سکتا ہے کہ یہ ویڈیو کافی اونچائی سے بنائی گئی ہے اور اس کی رفتار بھی بڑھا دی گئی ہے جس کی وجہ سے تیرنے والے لوگ بھی لاروا یا مینڈک کے بچوں کی طرح نظر آرہے ہیں۔