ایمرجنگ ایشیا کپ کے سیمی فائنلز میں پاکستان نے سری لنکا اور انڈیا نے بنگلہ دیش کو ہرا کر فائنل میں جگہ بنائی ہے۔
جمعے کو کولمبو میں کھیلے گئے سیمی فائنل میں پاکستان نے میزبان سری لنکا کو 60 رنز سے شکست دی۔پاکستان نے سری لنکا کو 323 رنز کا ہدف دیا، تاہم سری لنکا کی ٹیم 45.4 اوورز میں صرف 262 رنز ہی سکور کر سکی۔پاکستان کے ارشد اقبال نے 37 رنز دے کر پانچ وکٹیں حاصل کیں اور انہیں میچ کا بہترین کھلاڑی قرار دیا گیا۔ ایمرجنگ ایشیا کپ کے دوسرے سیمی فائنل میں انڈیا کا ٹاکرا بنگلہ دیش سے ہوا اور اس نے بنگلہ دیش کو 51 رنز سے ہرایا۔انڈیا نے پہلے بیٹنگ کرتے ہوئے 211 رنز بنائے لیکن بنگلہ دیش کی ٹیم یہ ہدف پورا نہ کر سکی اور انڈین سپنرز کے سامنے بے بس نظر آئی۔ بنگلہ دیشی ٹیم 160 رنز بنا کر آؤٹ ہو گئی۔انڈین بولر نشانت سندھو نے 20 رنز دے کر بنگلہ دیش کے پانچ بیٹرز کو پویلین کی راہ دکھائی، جبکہ یش دھل کے 66 رنز نے انڈیا کو کامیابی سے ہمکنار کیا۔ایمرجنگ ایشیا کپ کے فائنل میں اتوار کو پاکستان اور انڈیا کے درمیان مقابلہ ہوگا۔