اسٹار فٹ بالرکرسٹیانو رونالڈو کو دیکھ کر بچہ خوشی کے آنسو نہ روک سکا، اسٹار فٹبالر نے اپنے ننھے مداح کی چھوٹی سی خواہش خوشی سے پوری کر دی۔
سوشل میڈیا پر وائرل ویڈیوز میں دیکھا جا سکتا ہے کہ چھوٹا بچہ کرسٹیانو رونالڈو کو اپنے قریب دیکھ کر حیران رہ گیا اور جذبات پر قابو نہ رکھ سکا اور رو پڑا۔
بچے کی اس محبت اور آنسوؤں نے کرسٹیانو رونالڈو کو اسے گلے لگانے پر مجبور کر دیا جس کے بعد بچے نے 38 سالہ رونالڈو کو اپنی شرٹ پر دستخط کرنے کا بھی کہا جس کو فٹ بالر نے فوراً ہی مان لیا۔
ریال میڈرڈ سے سعودی کلب النصر آنے والے کرسٹیانو رونالڈو نے جاپان میں فرانسیسی کلب کے ساتھ ایک دوستانہ میچ کے بعد اپنی شرٹ پر دستخط کر کے بچے کو دے کر اس کی خواہش پوری کر دی، ویڈیو سوشل میڈیا پر وائرل ہونے کے بعد رونالڈو کے مداحوں نے بہت پسند کی۔
کرسٹیانو رونالڈو ایک پرتگالی فٹ بالر ہیں اسپینش کلب ریال میڈرڈ کے لیے اسٹرائیکر کے طور پر کھیلتے تھے لیکن حالیہ فٹ بال ورلڈکپ کے بعد سعودی کلب النصر کے ساتھ معاہدے پر رونالڈو دنیا کے مہنگے ترین کھلاڑی بن چکے ہیں۔