بھارتی کرکٹ ٹیم کے کھلاڑیوں پر سابق کھلاڑیوں کی جانب سے پہلے بھی تنقید کی جا چکی ہیں اور اب مایہ ناز سابق بھارتی کپتان کپل دیو بھارتی کرکٹرز کو آڑے ہاتھوں لیا ہے۔
بھارت کے لیجنڈری کرکٹر کپل دیو نے بھارتی کرکٹرز پر تنقید کرتے ہوئے کہا ہے کہ زیادہ پیسے ہونے کی وجہ سے کھلاڑی مغرور ہو گئے ہیں۔
بھارتی میڈیا کے مطابق کپل دیو نے کہا ہے کہ لوگ زیادہ پیسے ہونے کی وجہ سے مغرور ہو جاتے ہیں اور وہ سمجھتے ہیں کہ وہ سب کچھ جانتے ہیں۔
انہوں نے کہا کہ سنیل گواسکر موجود ہیں، آپ ان سے بات کیوں نہیں کرتے؟ اس میں تکبر کا کیا فائدہ؟
کپل دیو کا کہنا ہے کہ ہر کسی کو کسی نہ کسی سے سیکھنے کی ضرورت ہوتی ہے، صرف تجربے کار انسان ہی آپ کی مدد کر سکتا ہے۔
ان کا مزید کہنا ہے کہ زیادہ پیسے آنے کی وجہ سے بھارتی کرکٹرز میں تکبر آ گیا ہے، وہ سمجھتے ہیں انہیں سب پتہ ہے۔