ٹیبل حاصل کرنے کے لیے دنیا کا سب سے مشکل ریسٹورنٹ ہے جہاں 4 سال کا انتظار کرنا پڑتا ہے۔
برطانیہ کا دی بینک نامی ریسٹورنٹ اپنی تاریخ کے لیے جانا جاتا ہے جو 1800 کی دہائی سے زندہ ہے اور متعدد فسادات، دو عالمی جنگوں، تھیچر اور برسٹل سٹی کونسل ٹاؤن پلانرز کا مشاہدہ کرنے کے بعد بھی قائم و دائم ہے، اس کے کھانے کو بڑے دل والے چھوٹے پب کے نام سے جانا جاتا ہے۔
یہاں کا مشہور سنڈے روسٹ گائے کے خشک گوشت، شہد، روزمیری، دال کی روٹی اور سبزیوں پر مشتمل ہے۔ یونانی سکویڈ بالز، ایپل سلاد اور مسور دہل پکوڑے اسٹارٹر کے طور پر پیش کئے جاتے ہیں لیکن سالوں سے ایڈوانس بکنگ جاری ہے اور جس کی وجہ سے یہاں کھانے کیلئے کم سے کم 4 سال انتظار کرنا پڑتا ہے۔
میٹھے میں راسبیری یوگرٹ پنا کوٹا اور گوزبیری اسپنج، لیمونسیلو ٹارٹ، اسٹرابیری اور سفید چاکلیٹ پاولووا اور بلو بیریز شامل ہیں۔ دو کورسز کا کھانا 22سے 26 پاؤنڈ کا دیا جاتا ہے۔
مقبول سنڈے روسٹس کو آبزرور فوڈ ماہانہ ایوارڈز 2019 اور برسٹل گڈ فوڈ ایوارڈز 2018 میں برسٹل کے بہترین سنڈے لنچ کے اعزاز سے نوازا گیا۔