بھارت میں نوجوان لڑکی نے بوائے فرینڈ سے لڑائی کی وجہ سے بجلی کے 80فٹ کے ٹاور پر چڑھ کر اپنی زندگی داؤ پر لگادی، لڑکی کو دیکھ کر لڑکا بھی احمقانہ حرکت کرتے ہوئے ٹاور پر چڑھ گیا۔
بھارتی ریاست چھتیس گڑھ کے ضلع گوریلا پیندرا مرواہی میں بوائے فرینڈ سے ناراض لڑکی 80 فٹ اونچے بجلی کے ٹاور پر چڑھ گئی، لڑکی نے ٹاور پر چڑھنے سے قبل بوائے فرینڈ سے فون پر شدید جھگڑا کیا تھا۔
میڈیا رپورٹس کے مطابق لڑکی کے پیچھے اس کے بوائے فرینڈ نے بھی یہی احمقانہ حرکت کرتے ہوئے ٹاور پر چڑھنے کا فیصلہ کیا جس کے بعد واقعے کی ویڈیو سوشل میڈیا پر وائرل ہوگئی۔وائرل ویڈیو میں لڑکی کو ٹاور پر چڑھے جب کہ لڑکے کو چڑھتے دیکھا جاسکتا ہے۔
مکینوں کو واقعہ کا علم ہونے کے بعد پولیس کو اطلاع دی گئی جبکہ لڑکے اور لڑکی کے گھر والوں کو بھی بلایا گیا، پولیس اور اہل خانہ کی مداخلت کی وجہ سے تقریباً ایک گھنٹے کی کوشش کے بعد لڑکی اور لڑکے کو بحفاظت نیچے اتار لیا گیا۔