ماں نہیں تو کیا ہوا کیونکہ ۔۔ ماؤں کےدن پر باپ ماں کے روپ میں بیٹی کے اسکول پہنچا تو کیا ہوا؟

دنیا کے کئی معاشروں میں ماؤں کا اکثر باپ سے زیادہ اہمیت دی جاتی ہے لیکن تاریخ شاہد ہے کہ باپ بھی اولاد کیلئے قربانی دینے میں کبھی پیچھے نہیں رہتا بلکہ اولاد کیلئے ہر مشکل سے مقابلہ کرتا ہے، تھائی لینڈ میں اپنی نوعیت کا انوکھا واقعہ پیش آیا جب ایک باپ ماؤں کے دن پر بیٹی کے اسکول ماں کا روپ دھار کر پہنچ گیا۔

تھائی لینڈ میں ماؤں کا دن 12 اگست کو منایا جاتا ہے، اس حوالے سے اسکول میں ماؤں کا دن منانے کیلئے تقریب منعقد کی گئی تھی۔

پراچیا دیبو اپنی بیٹی کی پرورش اکیلے کر رہے ہیں، اس لیے ماؤں کے دن کے موقع پر وہ خاتون کا روپ دھار کر اسکول پہنچے۔ پراچیا دیبو نے خاتون کا لباس پہنا، بالوں کی وگ لگائی اور بیٹی کے اسکول میں منعقدہ پروگرام میں شرکت کی۔

اس پوسٹ کو سوشل میڈیا پر ہزاروں لوگوں نے لائیک کیا اور شیئر بھی کیا۔ سوشل میڈیا صارفین کا کہنا ہے کہ باپ بھی اپنی اولاد کیلئےبے شمار قربانیاں  دیتے ہیں۔

سوشل میڈیا صارفین کا کہنا ہے کہ باپ اپنی اولاد باہر لاتعداد مشکلات کا سامنا کرتا ہے لیکن معاشرہ ماں کو ہی اولیت دیتا ہے۔