پاکستان کے پہاڑی علاقوں میں اکثر لینڈ سلائیڈنگ اور پہاڑی تودے گرنے کے واقعات پیش آتے ہیں لیکن امریکا میں حال ہی میں پہاڑی سے گرنے والے ہولناک تودے کی ویڈیو نے دیکھنے والوں پر بھی خوف طاری کردیا ہے۔
پہاڑی علاقوں میں اکثر تودے گرتے رہتے ہیں لیکن یہ خوفناک واقعہ امریکی ریاست ٹینیسی کے شہر گلیٹن برگ میں پیش آیا جہاں پہاڑ سے متصل پہاڑ کی بلندی سے تودہ تیز رفتاری سے زمین کی جانب آیا۔
ہولناک منظر کو موقع پر قریب ہی موجود ایک شہری نے کیمرے کی آنکھ میں محفوظ کر لیا، گیٹلن برگ میں پہاڑ کے کنارے پارکنگ لاٹ بنا ہوا ہے جہاں پہاڑ سے معمول سے مطابق چھوٹے موٹے پتھر گر رہے ہوتے ہیں۔
اچانک ڈرامائی انداز میں ایک بڑا تودہ پہاڑی کی بلندی سے تیزی سے نیچے کی جانب آتا ہے اور زمین پر گرتے ہی ہر طرف دھوئیں کے بادل چھا جاتے ہیں جب کہ لوگوں کی خوف کے مارے چیخیں نکلنے لگتی ہیں۔
واقعہ میں خوش قسمتی سے حادثے میں کوئی جانی نقصان نہیں ہوا لیکن سوشل میڈیا پر وائرل ویڈیو نے دیکھنے والوں کو بھی خوف میں ڈال دیا ہے۔